Brighton
Brighton (/ˈbraɪtən/ (ⓘ) BRY-tən) inggih punika resor sisi segara ring kota Brighton miwah Hove, Sussex Kangin, Inggris, 47 mil (76 km) sikelod London.[1] Bukti arkeologis indik paumahan ring wewidangan punika mawit saking Masa Perunggu, Romawi miwah Anglo-Saxon. Paumahan kuna "Brighthelmstone" sampun kadokumentasiang ring "Buku Domesday" (1086). Kautamaan kota puniki sayan nincap ring Abad Patengahan rikala Kota Tua nglimbak, sakéwanten kota puniki sayan ngreredang ring periode modérn pangawit, keni panglalah saking serangan asing, angin ngelinus, ékonomi sané sengsara miwah krama sané sayan rered. Brighton ngawitin ngawinang akéh para pengunjung risampuné nincapang transportasi ring margi nuju London miwah dados genah munggah jukung sané mamargi nuju Prancis. Kota puniki taler nglimbak dados genah kesehatan mandi ring segara pinaka tamba sané kabaos nambanin pinakit.
- ↑ OS Explorer map 122: Brighton and Hove. Scale: 1:25 000. Publisher:Ordnance Survey – Southampton B2 edition. Publishing date: 2009. ISBN 978-0319240816