Borough ring Kota New York

"Lima borough" katujuang driki. Indik borough Inggris sané kakuasain olih wangsa Viking rikala makudang galah, cingak Lima Borough Danelaw.

  1. Manhattan (County New York)

  2. Brooklyn (County Kings)

  3. Queens (County Queens)

  4. The Bronx (County Bronx)

  5. Staten Island (County Richmond)

Catetan: Bandar Udara JFK lan LGA makakalih magenah ring Queens (kacihnain sareng warna soklat).

Boroughs ring Kota New York inggih punija lima distrik pameréntahan utama sané nyusun Kota New York. Ipun inggih punika the Bronx, Brooklyn, Manhattan, Queens, lan Staten Island. Soang-soang borough sareng-sareng dados pawakilan county saking negara wagian New York: Bronx inggih punika County Bronx, Brooklyn inggih punika County Kings, Manhattan inggih punika County New York, Queens inggih punika County Queens, Staten Island inggih punika County Richmond.

Maka limang borough New York nyarengin ring kawéntenannyané antuk pangadegan Kota New York ring warsa 1898, ritatkala konsolidasi County New York (lantas ngranjing Bronx), County Kings, County Richmond, lan kepahan saking County Queens ring silih sinunggil asiki pemeréntah kota ring sor piagam kota anyar. Makasami lad munisipalitas ring kota sané anyar konsolidasi punika kabiurang.

Kota New York pangawitnyané kawatesin ring Pulo Manhattan miwah pulo-pulo alit sané nampek sané ngwangun County New York. Rikala kota punika sayan nincap ngalérang, punika ngawit ngelampirang genah ring daratan, nyerep wawidangan saking Kota Westchester nuju County New York ring warsa 1874 (Bronx Kauh) miwah warsa 1895 (Bronx Kangin). Salami konsolidasi warsa 1898, wawidangan puniki kadabdabang pinaka Borough saking Bronx, yadiastun kantun dados pahan saking County New York. Ring warsa 1914, County Bronx kakepah saking County New York mawinan soang-soang borough raris majagra dados county.

Ri tatkala wewidangan kauh saking County Queens makonsolidasi sareng Kota New York duk warsa 1898, wewidangan punika dados Borough Queens. Ring warsa 1899, pahan kangin saking County Queens kakepah dados ngadegang County Nassau ring Long Island, salanturnyané ngaryanin borough lan county Queens saling mabinayan.