Bonsai
Bonsai (/ˈbɒnsaɪ/; 盆栽, pronounced [boɰ̃sai] ⓘ) inggih punika seni Jepang saking nandur lan ngawangun taru mini ring wadah, antuk lelintihan sané sampun kadokumentasiang dawa indik pingaruh lan panglimbak asli Jepang salami siu warsa, lan antuk estetika, lelintihan budaya, tur términologi sané unik sané mawit saking évolusinyané ring Jepang.[1] Seni sané pateh wenten ring budaya liyanan, ngeranjing seni Cina penjing lan lanskap urip mini Viétnam.Hòn non bộ.
Kruna serapan bonsai sampun dados istilah pajeng ring basa Inggris, sané neket ring akéh wangun entik-entikan pot sané kaminutif,[2] tur taler ring galah-galah majeng ring sarwa maurip miwah sane nénten maurip sané lianan. Manut Stephen Orr ring The New York, "[i] ring Kauh, kruna punika kawigunayang antuk ngambarang das makasami punyan wadah mini, napikeh ipun patut manut sakadi otentik bonsai sané sampun kalatih utawi tuah sték sane maakah alit. Sakéwanten, manut teknis, parinama puniki patut kacawis ring entik-entikan sané mentik ring genah sané dangkal nganutin prinsip-prinsip panastasan miwah pelatihan bonsai, ngasilang replika miniatur sané becik saking entikan sané sampun mentik ring alam."[3] Ring arti sané pinih pastika, "bonsai" manut ring taru sané mini, sané mentik ring wadah sané nganutin tradisi miwah prinsip bonsai Jepang.
Tetujon bonsai utamanyané inggih punika kontémplasi majeng ring sang sané nyingakin, lan latihan sané nyenengin saking utsaha lan kawikanan majeng ring sang sane nandur.[4]Mabinayan sareng praktik budidaya entik-entikan sane lianan, bonsai nenten katanem anggen produksi ajeng-ajengan utawi anggén tamba.
Bonsai kakaryanin kakawitin antuk spesimen wit lakaran. Puniki minab tebasan, bibit, taru saking alam liar (sane kaloktah dados yamadori) utawi taru alit saking spésiés sane cocok antuk panglimbakan bonsai. Bonsai prasida kakaryanin saking abadi taru sané mabongkol taru utawi perdu spésiés[5] sané ngasilang carang sané sujati lan prasida katandur mangda tetep alit malarapan antuk pot kurungan antuk mahkota lan akar pruning. Wenten spésiés sané kaloktah pinaka lakaran bonsai santukan madue cecirén, sakadi don sane alit utawi jaum utawi kulit kayu sané kacingak sampun wayah, sané ngawinang ipun cocok antuk lingkup visual bonsai sané kompak.
Spésimén wit kawentuk mangda relatif alit lan mangda prasida nagingin standar estetika bonsai, sané ngutamayang nénten makasami lanskap nanging wangun unik saking spésimén taru utawi taru bonsai. Rikala calon bonsai nampek ring ukuran pamuput sané karencanayang, punika katanem ring pot pajangan, ketahné sané karancang antuk pajangan bonsai ring silih sinunggil saking makudang-kudang wangun lan proporsi sane katampi. Saking titik punika, patumbuhannyane kawatesin olih lingkungan pot. Salantang warsa, bonsai kawentuk mangda prasida ngawatesin patumbuhan, ngadistribusiang malih kekuatan don ring wawengkon sané ngamerluang panglimbakan salanturnyane, lan matemu sareng desain rinci seniman.
Praktik bonsai ring sapunapiné kabingungan sareng katé, sakéwanten katé katahnyané nganutin ring seseleh, pacundukan, utawi pakaryan entik-entikan sané permanén, miniatur génetik saking spésiés sané sampun wénten. Entik-entikan katé ketah ngawigunayang pamuliaan selektif utawi rékayasa génetika anggén ngaryanin kultivar katé. Bonsai nénten ngamerluang taru sané katé manut génetik nanging gumantung ring mentik taru alit saking stok lan wiji ketahné. Bonsai nganggén téknik budidaya sekadi panastasan, réduksi akar, potting, défoliasi, lan panekungan anggen ngasilang taru alit sane nuutin wangun lan gaya taru sané sampun wayah, ukurannyané jangkep.
- ↑ Gustafson, Herbert L. (1995). Miniature Bonsai. Sterling Publishing Company, Inc. p. 9. ISBN 0-8069-0982-X.
- ↑ "Day of the bonsai vegetables". The Independent. Kaaksés 2018-08-06.
- ↑ Orr, Stephen (25 February 2009). "Not All Trees Are Cut Out to Be Bonsai". The New York Times. Kaaksés 2018-08-06.
- ↑ Chan, Peter (1987). Bonsai Masterclass. Sterling Publishing Co., Inc. ISBN 0-8069-6763-3.
- ↑ Owen, Gordon (1990). The Bonsai Identifier. Quintet Publishing Ltd. p. 11. ISBN 0-88665-833-0.