Bod Ja (Teh Mentega)
Teh mentega (Basa Tibet: བོད་ཇ་; bod ja) utawi teh Tibet inggih punika wedangan saking wewidangan Himalaya sakadi Nepal, Bhutan, India (ring daerah Ladakh tur Sikkim), tur kasub pesan ring Tibet. Teh sane kacampur antuk mentega yak (yak: soroh sampi saking wewidangan Himalaya) tur tasik puniki wantah wedangan sabilang dina krama Tibet. Tiosan ring mentega yak, wenten taler teh mentega sane kacampur antuk mentega lembu utawi sampi krana aluh kapolihang ring pasar.
Ring Tibet, teh puniki wantah silih sinunggil adat tur kasajiang sabilang dina. Sadurung makarya, kramane nginem teh mentega utawi kasajiang antuk tamiu sane rauh ka jero. Teh puniki sampun madaging kalori sane jangkep tur becik majeng ring krama Tibet sane wenten ring wewidangan Himalaya. Tiosan ring ento, mentega becik antuk nambanin bibih keping[1]
Manut ring adat Tibet, teh puniki kainem akidik-kidik tur pacang kaisinin malih ngantos ring bucu cawan yening teh sampun telas. Cawan punika pacang tetep maisi. Yening tamiune nenten kayun nginem, sane patut kalaksanayang inggih punika cangkir punika nenten kagentosin kantos tamiune budal, sesampun punika pacang kakosongin. Puniki wantah tata titi sane patut kaajiang mangda sang sane ngaturang teh nenten marasa kasinggung.[2]
Sane kapartama, don teh puniki kaseduh atengah dina, mangda toyane mawarna coklat gelap. Sasampun punika, kasaring tur katuang ka wadah madaging mentega yak utawi sampi lan tasik. Raris kakocok mangda marupa cairan sakadi sup utawi minyak. Cairan punika kawadahin teko.[3]
Cara sane tiosan inggih punika toya sane sampun madidih kacemplungin antuk don teh akidik kantos toyane dados selem. Uyah kawewehin, kasarengin antuk baking soda yening kaaptiang. Teh sane sampun kapolihang raris kasaring ka pengaduk mentega kayu sane sampun madaging mentega. Cairan punika kaaduk kantos teh punika alus lan salanturnyane kawadahin teko, tur kagenahang ring pemanas mangda tetep anget. Yening tan wenten pengaduk mentega, teh punika prasida kawadahin ring mangkuk kayu lan kaaduk.[4]
Yening tan wenten don teh, mentega yak, lan pengaduk mentega kayu, prasida ngangge kantong teh, makudang-kudang soroh mentega, lan blender.
- ↑ Mayhew, Bradley; Kohn, Michael (2005). Tibet. Lonely Planet. ISBN 1740595238.
- ↑ W., E. H. C.; Chapman, F. Spencer (1939-03). "Lhasa: The Holy City". The Geographical Journal. 93 (3): 259. doi:10.2307/1788373. ISSN 0016-7398. Check date values in:
|date=(help) - ↑ Kawaguchi, Ekai. "Three years in Tibet : with the original Japanese illustrations". Rare & Special e-Zone. Kaaksés 2025-08-24.
- ↑ B., F. M.; Migot, Andre; Fleming, Peter (1955-06). "Tibetan Marches". The Geographical Journal. 121 (2): 219. doi:10.2307/1791716. ISSN 0016-7398. Check date values in:
|date=(help)