Beowulf
| Beowulf | |
|---|---|
| Bēowulf | |
 Lempir kapertama saking Beowulf ring Cotton Vitellius A. xv.: HWÆT. WE GARDE / na in geardagum, þeodcyninga / þrym gefrunon... (Alih basa: Napi! [=Pirengang!] Iraga pinaka Tumbak-Da/nes, lan sadina-dina sané sampun kaentasin olih para raja / tur panguasa sané sampun miranggi...) | |
| Pengarang | Ten kauningin |
| Bahasa | Dialek Saxon Kauh saking Basa Inggris Kuna |
| Tanggal | kaiyegang (kr. 700–1000 M) |
| Keadaan | Manuskrip sané rusak santukan katunjel duk warsa 1731 (sisian buku puwun lan makéhan suratan ring ujung buku ical) |
| Naskah | Cotton Vitellius A. xv (kr. 975–1010 AD) |
| Edisi cetak kapertama | Thorkelin (1815) |
| Soroh | Wiracarita kapahlawanan |
| Wentuk bait | Bait aliteratif |
| Lantang | sawatara 3182 baris |
| Subjek | Patempuran Beowulf, pahlawan asal Geat, ring masa anom tur tuané |
| Tokoh | Beowulf, Hygelac, Hrothgar, Wealhtheow, Hrothulf, Æschere, Unferth, Grendel, Ibu Grendel, Wiglaf, Hildeburh. |
Beowulf (/ˈbeɪəwʊlf/;[1] Mal:Lang-ang Mal:IPA-ang) inggih punika wiracarita ring dresta legenda kepahlawanan Jermanik, sané kawangun antuk 3.182 baris aliteratif. Wiracarita puniki silih sinunggil karya sastra Inggris Kuna sané pinih mabuat tur sering kaalih basa. Pinanggal komposisi karya tetep dados subyek pabligbagan ilmiah, yadiastun kerangka galah manawi kirang langkung saking 975 ngantos 1025.[2] Para ahli ngawastanin panyurat anonim saking wiracarita punika dados "Pujangga Beowulf".[3] Carita ring wiracarita punika ngambil latar ungkur Skandinavia pagan daweg abad ka-6. Beowulf, kakawitin sareng carita satunggil pahlawan saking Geats, rauh nuju wawengkon Hrothgar, lan kalanturang sareng wéntennyané serangan majeng raja Danes sané sedek masandekan ring aula mead ring Heorot olih monster Grendel. Sesampun Beowulf ngamatiang ipun, ibu Grendel nyerang aula punika lan salanturné taler kakaonang. Sesampun kamenangan Bowulf, ida budal ka Geatland lan manados raja Geats. Séket warsa selanturné, Beowulf prasida ngaonang naga, sakénanten matatu akéh ring patempuran. Sesampun kapademan ipun, para panjakné ngakrémasi ragané tur ngadegang satunggil menara ring satunggil tanjung antuk ngapikélingin ida.
Para ahli sampun ngapabligbagan napiké Beowulf pinaka carita dané kaceritayang sacara lisan Puniki ngawinang interpretasi sané mabinayan: yening wiracarita punika mawit saking masa pagan sané dumunan, minab madaging unsur-unsur pagan sané kuat antuk fitur-fitur Kristén sane kawewehin salanturnyané; tungkalikane, yening kakaryanin ring masa Kristen, unsur-unsur pagan minab wantah mawiguna dados fitur hiasan kemanten. Makudang-kudang sujana taler maosang yéning epik punika madué makakalih unsur punika saking pangawit. Beowulf kasurat utamanyané ring dialek Saxon Kauh saking basa Inggris Kuna, yadiastun taler nyarengang wangun dialek sané tiosan, nyihnayang babad transmisi sané dawa lan kompleks ring makudang-kudang wawengkon ring dija makudang-kudang dialek kabaosang ring Britania. Ngantos mangkin durung wenten sumber utawi analogi sane pastika saking geguritan punika sane sampun mabukti, nanging akeh pikayunan sane sampun kaajuang. Nenten wenten sumber utawi analog sane pastika saking puisi punika prasida kabuktiang, nanging akeh saran sane sampun kakaryanin, rumasuk Grettis saga Islandia, satua Norse Hrolf Kraki lan parekannyane sane beruang-ngubah wangun le Bodvar Bjarki. satua rakyat indik Tangan miwah Anak Alit. Utsaha sané terus kamargiang anggén nyambungan Beowulf nuju carita saking Odisseia Homeros utawi Aeneis Virgil. Langkung pastika inggih punika paralel Alkitab, antuk kiasan sané jelas ring buku-buku Kejadian, Keluaran, lan Daniel.
Manuskrip sané selamat ngantos mangkin saking wiracarita punika wantah wénten ring Codex Nowell. Ring pamahbahmé, wiracarita punika nénten madué murda, sakémanten salanturné kawastanin manut majeng wastan tokoh protagonis.[3] Ring 1731, manuskrip punika polih karusakan santukan api sané nguluh wawidangan Umah Ashburnham ring London, sané manados genah panyimpenan koléksi manuskrip abad patengahan padruén Sir Robert Cotton. Manuskrip punjka selamet, sakémanten sisiané puwun tur makudang suratan ical.[4] Sesampun paindikan punika, Codex Nowel kasimpen ring Perpustakaan Inggris. Puisi punika kapertama Edwin Morgan, Burton Raffel, Michael J. Alexander, Roy Liuzza, tur Seamus Heaney inggih punika sané pinih kasub. Meweh sane wenten ring sajeroning pangalih basa Beowulf sampun katilik olih J. R. R. Tolkien (ring esainé mamurda "On Translating Beowulf"), apisanan ngaryanin alih basa prosanyané ngaraga.
- ↑ "Beowulf". Collins English Dictionary. HarperCollins. Kaaksés 15 December 2020.
- ↑ Stanley 1981, pp. 9–22.
- 1 2 Robinson 2002, p. 143.
- ↑ Mitchell & Robinson 1998, p. 6.