Belva Devara
 | |
| Embas | Adamas Belva Syah Devara 30 Méi 1990 Jakarta, Indonesia |
| Wastan liyanan | Belva Devara |
| Almamater | |
| Pakaryan | Pengusaha |
| Warsa aktip | 2007-sekarang |
| Kauningin | Pendiri dan Direktur Utama (CEO) Ruangguru |
| Kasugihan bersih | IDR 1,3 Triliun (LHKPN 2019)[1] |
| Kurenan | Sabrina Anggraini |
| Oka | 1 |
  | |
Adamas Belva Syah Devara, M.P.A., M.B.A. (embas ring Jakarta, 30 Méi 1990;yusa 35[2]) inggih punika asiki pengusaha miwah aktivitas sosial ring Indonésia. Ida kasub pinaka pangadeg miwah Direktur Utama (CEO) Ruangguru.[3] Ring warsa 2017, ida kapilih pinaka silih tunggil saking 30 pengusaha muda pinih mabuat ring Asia olih Forbes Magazine.[4] Belva taler pinaka alumni Universitas Harvard miwah Universitas Stanford.
Adamas Belva Syah Devara pinaka oka kapertama saking tiga pasemetonan. Ida embas ring Jakarta duk tanggal 30 Méi 1990.[2] saking parabian Tri Harsono miwah Murni Hercahyani.[5]
Belva ngranjing ring SMP Islam Al Azhar 8, lantur ring SMA Presiden.[6] Ida taler kasub ring organisasi, kapilih dados manggala OSIS ring SMA Presiden.[6]
Ring warsa 2007, Belva kapilih dados silih tunggil saking kutus sisya Indonésia sané ngamolihang beasiswa penuh saking pemerintah Singapura anggé nglanturang studiné ka Universitas Teknologi Nanyang, Singapura, silih tunggil institut teknik pinih becik di Asia.[7] Salami kuliah, Belva ngamolihang akéh préstasi akademis miwah prasida masuk ring Double Dean's List, ring program studi Ilmu komputer utawi Bisnis. Ring warsa 2009, ida kapilih olih universitas mangda sareng ringprogram pertukaran pelajar ka Universitas Manchester, Manchester, Inggris.
Puncaknyané ring warsa 2011, Belva prasida ngamolihang tigang medali emas prestisius saking Universitas Teknologi Nanyang, Lee Kuan Yew Gold Medal, (adijayanti pinih tegeh majeng mahasiswa ring universitas), Infocomm Development Authority of Singapore Gold Medal (adijayanti majeng pamolih nilai akademis pinih tegeh ring program studi Ilmu komputer), miwah Accenture Gold Medal (adijayanti majeng sané molihang nilai akademis pinih tinggi di program studi Bisnis). Sinambi kuliah, ida ngamolihang amongan makarya ring perusahaan mabuat di Singapura, Goldman Sachs miwah Accenture. Lianan prestasi akademis, Belva taler aktif ring kegiatan organisasi. Ida kaprecaya ngadeg pinaka Sekretaris Jenderal Perhimpunan Pelajar Indonesia Singapura miwah kaadegan pinaka Young Leader for Indonesia 2011 olih McKinsey & Company.[6][8]
Ring warsa 2013, ida nglanturang pendidikan pascasarjana miwah dados orang Indonesia kapertama sané katerima ring program gelar ganda di Universitas Harvard, Cambridge, Massachusetts miwah Stanford University, Palo Alto, California, kalih universitas pinih kasub ring jagaté.[9] Di Universitas Harvard ida ngambil jurusan Master of Public Administration (Kebijakan Publik), lianan ring Universitas Stanford, ida ngambil jurusan Master of Business Administration (Bisnis Manajemen).[7]
Ida taler ngamolihang amongan madaftar pinaka tamiu ring Massachusetts Institute of Technology. Belva taler kasurat terdaftar silang (cross-registered) pinaka mahasiswa ring fakultas lian di Universitas Harvard, rumasuk Harvard Law School, Harvard Medical School, miwah Harvard Graduate School of Education.[10] Ida taler aktif dados peneliti (Fellow) di Harvard Ash Center for Democratic Governance and Innovation.[6] Anggé program pascasarjana ring Amerika Serikat niki, ida ngamolihang beasiswa penuh sakingLembaga Pengelola Dana Pendidikan, sané kaamong olih Kementerian Keuangan.[11]
- ↑ "Adamas Belva Syah Devara". LHKPN.
- 1 2 "Salinan arsip". Kaarsipin saking versi asli tanggal 2018-10-15. Kaaksés 2018-10-14. Unknown parameter
|dead-url=ignored (help) - ↑ "Adamas Belva Syah Devara & Iman Usman, 25 & 26". Forbes. Kaaksés 2023-04-11.
- ↑ "Biodata dan Agama Belva Devara Lengkap dengan Jejak Karir Serta Segudang Prestasi Sang Founder Ruang Guru". portalpurwokerto.pikiran-rakyat.com (ring Indonesia). 2021-13-07. p. all. Kaaksés 2024-07-11. Check date values in:
|date=(help) - 1 2 3 4 "Salinan arsip". Kaarsipin saking versi asli tanggal 2018-10-15. Kaaksés 2018-10-14. Unknown parameter
|dead-url=ignored (help) - 1 2 "Salinan arsip". Kaarsipin saking versi asli tanggal 2018-10-15. Kaaksés 2018-10-14. Unknown parameter
|dead-url=ignored (help) - ↑ "Members". YLI (ring Inggris). Kaarsipin saking versi asli tanggal 2023-05-31. Kaaksés 2023-04-11.
- ↑ "Salinan arsip". Kaarsipin saking versi asli tanggal 2018-08-16. Kaaksés 2018-10-14. Unknown parameter
|dead-url=ignored (help) - ↑ "Salinan arsip". Kaarsipin saking versi asli tanggal 2020-05-04. Kaaksés 2018-10-14. Unknown parameter
|dead-url=ignored (help) - ↑ Mediatama, Grahanusa (2017-12-13). "LPDP biayai 18.400 orang dari return Rp 6,4 T - Page 2". kontan.co.id (ring Indonesia). Kaaksés 2023-04-11.