Batu ginjal

Batu ring ginjal

Batu ginjal inggih punika batu urin sane wenten ring panggul ginjal . Lebih sering kapanggihin ring kandung kemih. Sane ngawinang utama wentennyane endapan batu urin inggih punika warih punika akeh madaging uyah utawi krana uyah-uyah punika nenten larut utawi wantah larut akidik. Ring pamargi selanturnyane, batu-batu punika meneng ring sajeroning benda asing. Inti utawi pusat batu biasane sel epitel, lendir, nanah, sel darah merah, dll. Ring makudang-kudang kasus, ajeng-ajengan sane madaging uyah sane mabinayan sorohnyane pacang ngelisang pawentukan batu. Ring wewidangan sane sampun katentuang, ring dija toyane sugih antuk mineral, batu-batu puniki... sering kapanggihin.

Penyakit radang saluran kemih utawi warih sane nenten mresidayang ngalir sangkaning penyebab tertentu pacang ngawinang pembentukan batu ginjal antuk ngubah sifat warih lan uyah-uyah sane wenten ring warih punika. Gambaran klinis penyakit batu ginjal pateh sareng pyelitis sajabaning rasa sakit sane kacingak lebih parah. Gejala sane sampun sinah pisan inggih punika serangan kolik . Penumpukan warih krana obstruksi jalan keluar ngawinang gejala uremik . Yening urin katureksa ring mikroskop, sel nanah, sel epitel, lan sering pisan butiran batu sane pinih alit kacingak. Sel darah taler sering wenten santukan wenten pendarahan. Antuk nguratiang kekerasan lan wangun ginjal, dangan antuk nentuang napike wenten batu ginjal utawi nenten.

Gejala sane wenten ring batu ginjal .

Gejala awal sane karasayang olih sang sane keni batu ginjal minakadi:

1. Rasa sakit lan nenten nyaman rikalaning ngenceh,
2. Mual lan muntah, Demam tinggi, Sering ngrunguang sakit ring pinggang.
3. Bengkak ring batis lan Panyingakana, perubahan warna struktur urin.
4. Kadang-kadang ngenceh punika kasarengin antuk getih.
5. Sering bangun ring tengahing sirep sane dalem wantah jagi pipis.
6. Nafsu makan sane sayan rered lan berat badan sane sayan rered.
7. Bengkak taler wenten ring pergelangan kaki lan tangan.
8. Kadang-kadang ngrasayang sesak napas/keweh ngambekan, taler setata ngrasayang kenyel lan lemet.

Pencegahan

Pidabdab pencegahan antuk pembentukan batu gumantung ring komposisi batu sane kapanggihin ring pasien. Batu punika kaanalisis lan kadar zat sane prasida ngawinang batu ring urin kaukur.

Mangda nenten keni batu ginjal, wenten makudang-kudang parindikan sane prasida kalaksanayang, minakadi:

1. Tetep terhidrasi
2. Akehan ngajeng woh-wohan miwah sayur-sayuran
3. Ngirangin ngajeng uyah

Soroh batu ginjal sane wenten .

Batu kalsium

Akeh jadma sane keni batu kalsium ngarasayang hiperkalsiuria, inggih punika kadar kalsium ring urin sane pinih tegeh. Obat diuretik tiazid (contonyane triklormetazid ) pacang ngirangin pawentukan batu sane anyar.

1. Kasaratang mangda nginem toya sane akeh (8-10 gelas/hari).
2. Diet sane kirang kalsium lan ngambil natrium selulosa fosfat .

Mangda prasida nincapang kadar sitrat (zat sane ngambat pembentukan batu kalsium) ring urin, kalium sitrat kaicenin. Kadar oksalat sane tegeh ring urin, sane ngadukung pembentukan batu kalsium, inggih punika asil saking ngajeng ajengan sane sugih antuk oksalat (contonyane bayam, coklat, kacang-kacangan, lada lan teh). Punika mawinan, pinih becik ngirangin ngajeng ajengan punika. Kadang-kadang batu kalsium kawentuk sangkaning penyakit sane lianan, sakadi hiperparatiroidisme, sarkoidosis, toksisitas vitamin D, asidosis tubular ginjal utawi kanker . Ring kahanan punika, pinih becik nambanin gering-gering punika.

Batu asam urat

Sane pinih becik inggih punika ngirangin ngajeng daging, ulam lan unggas santukan ajengan punika ngawinang kadar asam urat ring urin nincap. Mangda prasida ngirangin pawentukan asam urat, allopurinol prasida kaicenin. Batu asam urat kawentuk ritatkala keasaman warih nincap, nika mawinan, anggen ngawetuang warih alkali (basa), kalium sitrat prasida kaicenin. Lempas saking punika, taler banget kaaptiang mangda akeh nginum toya.

Cingak taler

• Ginjal