Batik Parang
Batik Parang inggih punika silih tunggil motif batik sané pinih tua ring Indonésia. Wastan puniki mawit saking kruna péréng sané madua artos léréng. Wentuknyané sakadi hurup S sané ngambarang paiketan siki sareng sané lianan tur ngawentuk diagonal méréng sakadi léréng gunung. Parang punika ngambarang garis saking ajeng ka sor antuk diagonal. Susunan puniki nénten putus, sané dados lambang kasinambungan. Wentuknyané hurup S sakadi ombak ring pasih, puniki taler nyihnayang utsaha sané nénten putus. Batik puniki taler pinaka batik asli Indonésia sané sampun wénten saking jaman Keraton Mataram Kartasura ring Solo.
Batik parang punika madué artos sané mabuat, inggih punika pitutur mangda nénten pantang menyerah, sakadi ombak ring pasih sané nénten taén meneng. Batik puniki taler ngambarang jalinan sané nenten taén putus, puniki pinaka utsaha jadmané antuk mautsaha ngamolihang karahayuan, tur taler maartos hubungan becik ring kulawarga.[1]
Batik parang taler ngambarang kain sané durung usak, tur punika pinaka cihna mangda prasida ngamecikan raga. Sadurungnyané, batik puniki pinaka cihna hadiah becik antuk para pianak saking reramannyané. Pola puniki taler kawastanin ketangkasan, kewaspadaan, miwah kaberlanjutan saking sang sané makarya sareng sané lianan. Ketahnyané batik puniki kaanggén ri tatkala upakara panyambutan, mangda mawali makta kamenangan.
"Parang punika madué artos perang, para raja Jawa miwah ksatria Jawa sané setata nganggén batik parang, punika pinaka cihna nglawan hawa nafsu sabilang wai. Wantah para raja miwah ksatria punika sané prasida nganggén batik parang. Punika dados agamannyané tur pinaka wentuk prinsipnyané, sakadi sané wénten ring laku lampah."
"Batik punika madué artos Bakti, Bekti, Dhama bakti, para ksatria Jawa patut mabakti sareng nusa bangsa, kaluwarga, miwah agamannyané. Prinsip puniki dados agamannyan sakadi sané wénten ring laku lampah dados manusa sampurna"
Batik parang madué makudang-kudang soroh, sakadi parang rusak, parang barong, parang klitik, miwah parang soblog. Parang rusak puniki dados motif sané kakaryanin antuk kaicénin ka Senopati sané matapa ring Pasih Kelod. Motif puniki kakaryanin saking ombak sané nénten naenin meneng. Motif puniki pinaka cihna manusa sané prasida nglawan sané nénten becik mangda madué parilaksana sané becik". Parang barong punika madua wentuk sané agengan saking parang rusak sané kakaryanin olih Sultan Agung Hanyakrakusuma. Motif puniki pinaka pengendalian raga ring utsaha antuk dados manusa sané wicaksana. Parang klitik punika sané stilasinnyané alusan saking wentuk sané lianan. Motif puniki taler madué citra gambar sané feminim, pinaka cihna lembah lembut, alus, tur wicaksana. Lianan saking punika, parang soblog nyihnayang keteguhan, ketelitian, miwah kesabaran. Motif taler nyihnayang harapan antuk para pamimpin sané kalantik prasida nyalanang tugasnyané tur madué kawicaksanan ring ragannyané.[2]
- ↑ "Sejarah Batik Parang". Sonobudoyo (ring Inggris). Kaaksés 2025-08-24.
- ↑ Sulistiani, Iis. "Mengenal 7 Jenis Batik Parang: Filosofi dan Fungsinya". detikjogja (ring Indonesia). Kaaksés 2025-08-24.[permanent dead link]