Basilosaurus
Basilosaurus (artosnyane "kadal raja") inggih punika genus paus arkeoset sane ageng, predator, prasejarah saking panguntat Eosen, kirang langkung 41,3 ngantos 33,9 yuta warsa sane sampun lintang (mya). Kapertama katlatarang ring warsa 1834, punika wantah arkeoset miwah paus prasejarah kapertama sané kauningin olih sains. Fosil sané mapaiketan sareng jenis spesies B. cetoides kapanggihin ring sisi kelod kangin Amerika Serikat. Dumun ipun kasengguh pinaka reptil raksasa, punika mawinan akhiran "-saurus", Yunani Kuno antuk "kadal". Buron punika raris kapanggihin pinaka mamalia laut pangawit, sané ngawinang utsaha pacang ngentosin wastan buron punika, sané nénten prasida mamargi santukan awig-awig nomenklatur zoologi sané nyantenang ngawigunayang wastan aslinyané. Spesies kaping kalih sané mawasta ring warsa 1904, B. isis, maurip ring genah sané mangkin kawastanin Segara Tengah, antuk fosil sané kapanggihin ring Afrika Utara miwah Yordania.