Balé bengong

Balé bengong inggih punika wangunan sané kawigunayang pinaka genah masandekan, mapupul, wiadin mararian. Balé puniki maasal saking kruna balé sane maartos genah lan bengong sané maartos nglamun wiadin santai. Balé bengong ketahnyané marupa umah sané alit tur mabukakan sané malakar antuk kayu tur raabnyané malakar antuk somi wiadin ambengan. Balé bengong ketahnyané magenah ring bucun puri.^[1]

Balé bengong kawigunayang olih jadmané pinaka genah kadi ring sor puniki, makadi:

Genah masandekan: kawigunayang pinaka genah malinggih, ngrereh sirsiran angin, tur nyingakin pemandangan ring taman.
Genah mapupul: pinaka genah santé ri kala mapupul sareng kulawarga, sawitra, wiadin sané lianan.
Genah masayuban: kadadosang pinaka genah masayuban ri kala wénten sabeh wiadin ai nyentak.

Balé bengong mabinayan tekén balé-balé sané lianan. Baléné puniki madué cihna kadi ring sor puniki, makadi:

Mabukak, nénten madaging témbok wiadin belat, puniki ngawinang anginé sida ngasirsir ring genahé puniki
Genah malinggih wiadin lanténé tegeh, tegehan akidik teken tanah. Puniki madué tatujon mangda nénten kagulgul olih gumatat-gumitit.
Raabné tradisional, yadiastun mangkin makéh sané malakar baan gentén, balé bengong ketahnyané malakar baan ambengan wiadin somi.

Pustaka

↑ Lestari, Ratu Agung Ayu Dharmi (2013). "KAMUS ISTILAH SENI BUDAYA DALAM MASYARAKAT BALI DI KABUPATEN KARANGASEM DAN APLIKASINYA PADA PEMBELAJARAN MUATAN LOKAL DI SMP". Universitas Mataram repository: 42. line feed character in |title= at position 51 (help)

[1] Lestari, Ratu Agung Ayu Dharmi (2013). "KAMUS ISTILAH SENI BUDAYA DALAM MASYARAKAT BALI DI KABUPATEN KARANGASEM DAN APLIKASINYA PADA PEMBELAJARAN MUATAN LOKAL DI SMP". Universitas Mataram repository: 42. line feed character in |title= at position 51 (help)

[1]