Babad
Babad, lelintihan, tanggal, utawi sejarah (Greek: ἱστορία, historia ; suksmannyane “nyelehin, kaweruhan sane kapolihang malarapan antuk tetilik” [1] ) inggih punika paplajahan indik masa sane sampun lintang, pamekasnyane sapunapi paiketannyane sareng manusa. [2] Ring basa Indonesia, sejarah prasida kategesang pinaka peristiwa lan kejadian sane sujatinyane wenten ring masa sane sampun lintang lan wit-wit warih (panglantur), utamanyane majeng ring para raja sane mrentah. [3]
Istilah "sejarah" ring konteks tertentu taler kabaos hikayat, tambo, babad, sejarah, utawi tanggal . Inggih punika istilah umum sane mapaiketan sareng peristiwa sane sampun lintang lan penemuan, mupulang, organisasi, lan penyajian informasi indik peristiwa punika. Istilah punika madaging indik sejarah kosmik, geologis, miwah biologis, sakéwanten sering pisan kabaos sejarah manusa . Para sujana sané nyurat indik sejarah kasengguh sejarawan utawi sejarawan . Parindikan sane sampun mamargi sadurung wenten catetan sane kasurat kawastanin Prasejarah . [4] [5] Sejarah taler prasida nganutin wewidangan akademis sané nganggén bebaosan antuk nureksain miwah nyelehin undagan parindikan sané sampun lintang miwah manut sakadi objektif nentuang pola panyangkan miwah panglalah sané ngwangun indiké punika. [6] [7] Para sejarawan ring sapunapiné mabligbagan indik kawéntenan sejarah miwah kawigunannyané antuk maosang indik paplajahan sejarah pinaka tetujonnyané miwah pinaka pamargi sané prasida ngicénin "pamineh" indik pikobet-pikobet sané mangkin. [6] [8] [9] [10] Carita sané sampun ketah ring sajeroning budaya, sakéwanten nénten kasokong olih sumber-sumber saking jaba (sakadi carita indik Raja Arthur ) katahnyané kadadosang tetamian budaya utawi legenda, santukan nénten nyokong "panyelehan sané becik" sané kaperluang olih disiplin sejarah. [11] [12] Herodotus, sejarawan Yunani ring abad ka-5 SM kasengguh ring krama Barat pinaka "Bapak Sejarah" miwah sinarengan sareng Thucydides kontemporer, ngwantu ngwangun dasar antuk studi modern indik sejarah manusa. Eksploitasi ipun terus kawacen kantos mangkin lan kesenjangan antara fokus budaya Herodotus lan fokus militer Thucydides tetep dados titik pertentangan utawi pendekatan ring sasuratan sejarah modern. Ring tradisi Kangin, sejarah negara Chun Qiu kauningin sampun kasusun saking pangawit warsa 722 SM yadiastun teks-teks abad ka-2 SM kantun wenten. [13] Panglalah saking kuna sampun ngwantu narka varian cecirén sejarah sané sampun nglimbak salami makudang-kudang abad miwah terus mauwah kantos mangkin. Paplajahan indik sejarah modern ngawit nglimbak miwah nyarengang paplajahan indik wewidangan miwah paplajahan indik unsur-unsur topik utawi tematik ring sajeroning panyelehan sejarah. Sejarah sering pisan kaajahin pinaka pahan saking pendidikan dasar, pendidikan menengah, miwah paplajahan akademik indik sejarah wantah paplajahan sané utama ring perguruan tinggi. Sejarah inggih punika peristiwa utawi kejadian sane wenten ring masa sane sampun lintang sane kaplajahin lan kaselehin mangda prasida dados acuan lan sesuluh ring kahuripan sane jagi rauh. Manut etimologi utawi pawiwit kruna punika, sejarah punika mawit saking basa Arab, inggih punika syajarotun, sane maartos taru. Ilmu sejarah punika malajahin indik parindikan sane sampun lintang malarapan antuk artefak, naskah, miwah peninggalan sane lianan ring sejarah Indonesia, jagat, kuno, miwah modern. Ilmu sejarah nenten ja wantah ngranjing ring widang budaya kemanten, nanging taler widang ekonomi, geografi, sosial, politik, militer, basa, agama, pariwisata, lan malah teknologi.
- ↑ "Online Etymology Dictionary". Etymonline.com. Kaaksés 2010-05-16.
- ↑ "What is History & Why Study It?". Kaarsipin saking versi asli tanggal 2014-02-01. Kaaksés 21 January 2014. Unknown parameter
|dead-url=ignored (help) - ↑ "Salinan arsip". Kaarsipin saking versi asli tanggal 2009-08-05. Kaaksés 2009-06-16. Unknown parameter
|dead-url=ignored (help) - ↑ Brian Fagan (2017). World Prehistory: A Brief Introduction (édisi ka-9). London: Routledge. p. 8. ISBN 978-1-317-27910-5. OCLC 958480847.
- ↑ Forsythe, Gary (2005). A Critical History of Early Rome: From Prehistory to the First Punic War. Berkeley: University of California Press. pp. 12. ISBN 978-0-520-94029-1. OCLC 70728478.
- ↑ 6,0 6,1 Professor Richard J. Evans (2001). "The Two Faces of E.H. Carr". History in Focus, Issue 2: What is History?. University of London. Kaaksés 10 November 2008.
- ↑ Professor Alun Munslow (2001). "What History Is". History in Focus, Issue 2: What is History?. University of London. Kaaksés 10 November 2008.
- ↑ Tosh, John (2006). The Pursuit of History (édisi ka-4th). Pearson Education Limited. ISBN 1-4058-2351-8.p 52
- ↑ Peter N. Stearns, Peters Seixas, Sam Wineburg (eds.), ed. (2000). "Introduction". Knowing Teaching and Learning History, National and International Perspectives. New York & London: New York University Press. p. 6. ISBN 0-8147-8141-1.CS1 maint: multiple names: editors list (link) CS1 maint: extra text: editors list (link)
- ↑ Nash l, Gary B. (2000). "The "Convergence" Paradigm in Studying Early American History in Schools". Ring Peter N. Stearns, Peters Seixas, Sam Wineburg (eds.) (ed.). Knowing Teaching and Learning History, National and International Perspectives. New York & London: New York University Press. pp. 102–115. ISBN 0-8147-8141-1.CS1 maint: multiple names: editors list (link) CS1 maint: extra text: editors list (link)
- ↑ Seixas, Peter (2000). "Schweigen! die Kinder!". Ring Peter N. Stearns, Peters Seixas, Sam Wineburg (eds.) (ed.). Knowing Teaching and Learning History, National and International Perspectives. New York & London: New York University Press. p. 24. ISBN 0-8147-8141-1.CS1 maint: multiple names: editors list (link) CS1 maint: extra text: editors list (link)
- ↑ Lowenthal, David (2000). "Dilemmas and Delights of Learning History". Ring Peter N. Stearns, Peters Seixas, Sam Wineburg (eds.) (ed.). Knowing Teaching and Learning History, National and International Perspectives. New York & London: New York University Press. p. 63. ISBN 0-8147-8141-1.CS1 maint: multiple names: editors list (link) CS1 maint: extra text: editors list (link)
- ↑ Wilkinson, Endymion (2012). Chinese History: A New Manual. Harvard-Yenching Institute Monograph Series 84. Cambridge: Harvard-Yenching Institute. p. 612. ISBN 978-0-674-06715-8.