Astronomi

Galaksi

Astronomi inggih punika ilmu indik Alam Semesta, sané mlajahin indik genah, pergerakan, struktur, asal-usul lan perkembangan benda-benda langit (planet, bintang, asteroid, miwah sane lianan). Puniki silih sinunggil ilmu sané sampun sué. Punika metu saking kabutuhan praktis manusa. Para janané saking dumun seneng ring napi sané wénten ring langité. Napi malih ring masa purba, ipun nguratiang paiketan pantaraning pamargin benda-benda langit nglintangin langit miwah pauwahan cuaca berkala. Ipun ngicenin wastan makudang-kudang bintang miwah rasi bintang sané ageng. Nanging astronomi ngawit nglimbak wantah ring abad ka-17 risampuné kakaryanin teleskop kapertama.