Ariana Grande

Ariana Grande
Ariana Grande pada tahun 2024
Embas	Ariana Grande-Butera 26 Juni 1993 Boca Raton, Florida, U.S.
Pakaryan	Pemeran Penyanyi Penulis lagu
Warsa aktip	2008—sekarang
Kurenan	Dalton Gomez (k. 2021; c. 2024)
Semeton	Frankie Grande (kakak)
Karier musik
Genre	Pop R&B
Instrumen	Vocals
Label	Republic
Situs wéb	arianagrande.com
Lingga tangan
Penghargaan (id) (Juli 2017) honorary citizen of Manchester (en) Billboard Music Award (id) American Music Award for Artist of the Year (en) Penghargaan Grammy (id) Nickelodeon Kids' Choice Awards (id) American Music Award for New Artist of the Year (en)

Ariana Grande-Butera (embas 26 Juni 1993) inggih punika pagending, pangawi gending, miwah watek saking Amerika Serikat. Ida ngawitin pakarya ring warsa 2008 ring drama musikal Broadway mamurda 13, sadurung pinaka watek Cat Valentine ring serial televisi Nickelodeon Victorious (2010–2013)miwah ring spinoff Sam & Cat (2013–2014). Ida taler naen masolah ring sakancan teater tur watek televisi miwah sampun ngisinin suaran ring makudang serial televisi tur film.

Pamargin musik Grande kakawitin duk 2011 antuk gending latar Music from Victorious. Ring warsa 2013, ida ngamedalang album studio kapertama Yours Truly, sané ngadegin puncak Billboard 200 AS. Gending utama album niki, "The Way", debut ring 10 besar Billboard Hot 100.

Album studio kaping kalih Grande, My Everything (2014), ngamolihang nomor siki ring AS tur wénten ring 10 besar di 24 negara. Antuk gending utama "Problem" tur makudang gending lian, ida ring 10 besar di Billboard Hot 100 salami 34 wuku tur madué single 10 besar pinih akéh ring pantaraning artis lian warsa 2014. Ring warsa salanturnyané, Grande nglaksanayang tur dunia kapertama, "The Honeymoon Tour", anggé nguningayang My Everything. Ring warsa 2016, ida ngrilis album studio katiga Dangerous Woman, sané ngamolihang genah nomor kalih ring Billboard 200. Gending utama antuk murda sané pateh debut miwah langsung matenggeh ring nomor 10 di Billboard Hot 100, nadosang Grande jadma pertama ring tangga gending niki sané madué gending utama ring tetiga album kapertama sané medal saking genah 10 ring AS. Ring warsa 2017, Grande nglaksanayang tur internasional Dangerous Woman Tour. Ida ngamedalang album studio kaping papat, Sweetener, ring Agustus 2018. Duk warsa 2019 grande ngamedalang album studio kaping lima, Thank U, Next sané prasida debut ring nomor siki Billboard 200 miwah ngasilang kalih debut nomor siki gending Thank U, Next miwah 7 Rings.