Angin kauhan

Angin kauhan utawi anti-pasat inggih punika angin sané malaku saking kauh nuju kangin ring garis lintang tengah pantaraning 30 lan 60 derajat garis lintang. Ipun mawit saking wewidangan tekanan tegeh ring garis lintang kuda (kirang langkung 30 derajat) lan condong nuju kutub lan ngarahang siklon ékstratropis antuk cara umum puniki.^[2] Siklon tropis sané nglintangin sumbu munduk subtropis nuju kauh ngelengkung malih santukan membahan kauh sané nincap. Anginné akehan saking kelod kauh ring Pahan Gumi Kalér lan saking kalér kauh ring Pahan Gumi Kelod.

Angin kauhan pinih kuat ring pahan gumi masan dingin lan galah rikala tekanan lewih éndép ring baduur kutub, nanging ipun pinih lemet ring pahan gumi masan panas lan rikala tekanan lewih tegeh ring baduur kutub. Angin kauhan pinih kuat, terutama ring pahan gumi kelod (taler kabaos 'angin kauhan baret' ring ngenénin Chili, Argéntina, Tasmania lan Selandia Anyar), ring wewidangan ring dija tanah nénten wenten, mawinan tanah ngukuhang pola membahan sané lewih arah kalér-kelod. Angin kauhan sané pinih kuat ring garis lintang tengah prasida rauh ring deru petang dasa, pantaraning 40 lan 50 derajat garis lintang kelod. Angin kauhan madué lakon sané mabuat pisan ring makta toya lan angin ékuator sané anget nuju pasisi kauh benua, utamanyane ring pahan gumi kelod santukan hamparan samudranyané sané jimbar.

Pustaka

↑ Martín, Rodrigo Sebastian (2019-04-28). LA PEQUEÑA EDAD DE HIELO EN PATAGONIA AUSTRAL, estudio de la evolución histórica de las comunidades de quironómidos (Diptera, Chironomidae) en la Laguna Azul, Santa Cruz, Argentina [The Little Ice Age in Southern Patagonia: A Study of the Historical Evolution of Chironomid Communities (Diptera, Chironomidae) in Laguna Azul, Santa Cruz, Argentina.] (PDF) (ring Spanyol). UBA (kawedar 2022).
↑ "Westerlies". Glossary of Meteorology. American Meteorological Society. 2005. Kaarsipin saking versi asli tanggal 2010-06-22. Kaaksés 2018-01-22.

[1] Martín, Rodrigo Sebastian (2019-04-28). LA PEQUEÑA EDAD DE HIELO EN PATAGONIA AUSTRAL, estudio de la evolución histórica de las comunidades de quironómidos (Diptera, Chironomidae) en la Laguna Azul, Santa Cruz, Argentina [The Little Ice Age in Southern Patagonia: A Study of the Historical Evolution of Chironomid Communities (Diptera, Chironomidae) in Laguna Azul, Santa Cruz, Argentina.] (PDF) (ring Spanyol). UBA (kawedar 2022).

[AMS_2009-2] "Westerlies". Glossary of Meteorology. American Meteorological Society. 2005. Kaarsipin saking versi asli tanggal 2010-06-22. Kaaksés 2018-01-22.

[1]

[2]