Angin kanginan
Angin kanginan utawi angin pasat inggih punika angin permanén sané malaku kangin-kauh sané membah ring wewidangan ékuator gumi. Angin kanginan punika ngasirsir utamanyané saking kalér kangin ring Pahan Gumi Kalér lan saking kelod kangin ring Pahan Gumi Kelod, sayan kukuh rikala masan dingin lan rikala Osilasi Arktik wénten ring fase angetnyané. Angin kanginan sampun kaanggén olih kaptén kapal layar antuk nglintangin samudra jagaté sampun maabad-abad. Dané ngawinang kolonisasi Éropa ring Amérika, miwah margi paadolan prasida kawangun nglintangin Samudra Atlantik miwah Samudra Pasifik.
Ring météorologi, ipun malaksana pinaka memabahan kemudi antuk badai tropis sané mawentuk ring duur samudra Atlantik, Pasifik, lan kelod Hindia lan ngawinang sabeh ring Amérika Kalér, Asia Kelod Kangin Madagaskar, Afrika Kangin. awan kumulus éndép kacingak ring aab angin kanginan lan katekep saking dados tegeh olih inversi angin kanginan, sané kaawinang olih udara sane tedun ring baduur saking munduk subtropis. Sayan lemet angin kanginan, sayan akéh sabeh sané prasida kaaptiang ring daratan sané nampek.
Angin kanginan taler nyurung buk Sahara sané sugih ring nitrat miwah fosfat nuju makasami Amérika Kelod, Segara Karibia, miwah nuju makudang-kudang wewidangan Amérika Kalér sisi kelod kangin miwah sisi kelod kauh. Buk Sahara ring galah-galah wenten ring galah suryane sampun endag ring Florida. Rikala buk saking Sahara mamargi ring duur darat, sabeh kateken lan langité mauwah saking warna pelung dados warna petak sane ngawinang nincapnyane galang kangin sané barak. Kawéntenannyané mapangaruh negatif kualitas udara antuk ngawewehin akéh partikel sané wénten ring udara.[1]
- ↑ "African Dust Called A Major Factor Affecting Southeast U.S. Air Quality". ScienceDaily (ring Inggris). Kaaksés 2025-05-26.