Agung Wiyat S. Ardhi
| Agung Wiyat S. Ardhi | |
|---|---|
| Embas | 3 Pébruari 1946 Puri Anyar Keramas, Gianyar, Bali |
| Mabangsa | Indonésia |
| Pakaryan | guru ring PR Saraswati, Gianyar |
| Kauningin | pangawi sastra Bali |
Agung Wiyat S. Ardhi (embas ring Puri Anyar Keramas, Gianyar, 3 Pébruari 1946 – seda ring Gianyar, Bali, 24 Pébruari 2020 ring yusa 74) inggih punika silih tunggil pangawi Bali. Ida namatang sarjana muda ring ASTI (Akademi Seni Tari Indonésia) miwah sarjana Agama Hindu. Ida naanin makarya dados guru ring PR Saraswati, Gianyar. Tiosan punika, ida taler naanin dados Kepala SPG Saraswati Gianyar, Kepala SMA Saraswati Gianyar, Anggota Madya Désa Pakraman Kabupatén Gianyar, Tim Penyeleksi Penerimaan Penghargaan Wija Kusuma Kabupatén Gianyar, Tim Penyuluh Bahasa Bali Kabupatén Gianyar, Tim Pembina Utama Dharma Gita Kabupatén Gianyar, Tim Pembina Nyastra Kabupatén Gianyar, miwah kasub dados pragina Drama Gong.
Ida makéh ngripta karya sastra minakadi satua cutet miwah naskah drama. Ida ngamolihang hadiah sastra Rancagé ring warsa 2001 antuk cakepan sané mamurda "Gending Girang Sisi Pakerisan" miwah antuk jasa ring wawidangan Sastra Bali Modérn warsa 2010. Ring warsa 2015, ida ngamolihang penghargaan Widya Pataka saking Gubernur Bali antuk cakepan sandiwara mabasa Bali sané mamurda "Bogolan".[1]
Bibliografi[uah | uah wit]
Satua Bali[uah | uah wit]
- Da nakonang adan tiange[2]
Pustaka[uah | uah wit]
- ↑ "Profil Agung Wiyat S. Ardhi". suarasakingbali.com. Séptémber 2016. Kaaksés 2 February 2020.
- ↑ Budiasa, Sobat. "Da Nakonang Adan Tiange : Satua Mebasa Bali". Rare Angon. Kaaksés 2021-09-24.
